Фарзандларимиз, аксарият катта ёшлилар ҳам севиб истеъмол қиладиган чипслар ўзининг хушбўй таъми билан доимий истеъмолчилари эътиборини тортиб туриши аниқ. Зеро, уни хуштаъм қилишда зираворлардан фойдаланиш натижасида қўлбола тайёрланган чипслардан сотувдаги чипсларнинг фарқи бўлади.

Нархи арзон бўлмаган, аммо харидоргир чипслар қачон ва қандай пайдо бўлгани барчага қизиқ бўлса керак. Зеро, уларнинг кашф қилиниши ҳам қизиқ. Чипслар 1853 йил АҚШда Moon Lake Lodge ресторанида мижознинг картошка бўлаклари жуда қалинлигидан яхши қовурилмагани ҳақидаги шикоятига ҳазил жавоб сифатида тайёрланади. Кейин эса улар ушбу корхонанинг энг машҳур ихтиросига айланди.