Уй-жой учун субсидия олиш мақсадида 18 ёшга тўлган фуқаролар ариза билан мурожаат қилиши мумкин. Субсидия даромади юқори бўлмаган ва уй-жой шароитини яхшилашга муҳтож оилаларга бир нечта ижтимоий мезонлар асосида берилади. Аввало ариза берувчи ёки унинг оиласининг даромади меҳнатга ҳақ тўлашнинг энг кам миқдори асосида ҳисоблаб чиқилади.
— Қишлоқларда меҳнатга ҳақ тўлашнинг энг кам миқдорининг 3 бараваридан 6,9 бараваригача, яъни талабгор оила даромади 3.465 000 сўмдан паст 7. 969 000сўмдан юқори бўлмаслиги керак.
— Қорақалпоғистон Республикаси ва вилоятлар шаҳарларида яшовчилар учун эса меъёр меҳнатга ҳақ тўлашнинг энг кам миқдорининг 3 бараваридан 8 бараваригача, яъни 3.465 000 сўмдан 9.240 000 сўмгача
— Тошкент шаҳрида эса талабгор оиланинг даромади меҳнатга ҳақ тўлашнинг энг кам миқдорининг 3 бараваридан 9,2 бараваригача, яъни 3. 465 000 сўмдан кам бўлмаслиги 10. 626 000сўмдан кўп бўлмаслиги керак
Вақтинчалик яшаш манзили бўйича субсидия олиш мумкин эмас.
