Ҳужжатга кўра, авиакомпания аввал берилган саккизта Boeing 787-9 Dreamliner самолёти учун опционларни қатъий буюртмага айлантирди.
Келишув Вашингтон шаҳрида бўлиб ўтган C5+1 саммити доирасида имзоланди. Ҳужжатни Uzbekistan Airways Бошқаруви раиси Шухрат Худойқулов ҳамда Boeing компаниясининг Евросиё ва Ҳиндистон бўйича савдо ва маркетинг бўйича вице-президенти Пол Риги имзолади.
Шу билан, миллий авиакомпаниянинг замонавий кенг фюзеляжли Boeing 787-9 Dreamliner самолётларига бўлган умумий қатъий буюртмаси 22 та ҳаво кемасини ташкил этди. Янги лайнерлар Uzbekistan Airways’нинг халқаро йўналишларини кенгайтириш ва унинг жаҳон авиабозоридаги мавқеини мустаҳкамлашга хизмат қилади.
Имзолаш маросимида АҚШ савдо вазири Говард Латник, Ўзбекистон Республикаси инвестициялар, саноат ва савдо вазири Лазиз Қудратов, шунингдек, икки давлат расмийлари иштирок этди.
