Вилоят губернатори Александр Гусевнинг сўзларига кўра, Подгоренский туманида уриб туширилган Украинага тегишли дроннинг парчалари келиб тушиши натижасида омборда ёнғин бошланган.
Омбордаги портловчи воситалар портлашни бошлангач, ҳудудда фавқулодда ҳолат жорий этилган. Маҳаллий аҳоли вақтинчалик жойлаштириш марказларига эвакуация қилинмоқда.
Гусев ушбу омборда нималар сақланганини маълум қилмаган. Бироқ, Украина манбаларига кўра, тахминан 9000 квадрат метр майдондаги омборда “ер-ер” ва “ер-ҳаво” таснифидаги ракеталар, шунингдек, танк ва артиллерия снарядлари сақланган.
