АОКАда ўтказилган брифингда Олий Мажлиснинг Инсон ҳуқуқлари бўйича вакили ахборот хизмати раҳбари Фотима Мадраҳимова 2022 йилда чет элда ота-она қарамоғисиз қолиб кетган 43 нафар бола Ўзбекистонга олиб келингани ҳақида маълум қилди.
Унинг таъкидлашича, Бола ҳуқуқлари бўйича вакил томонидан чет элда ота-она қарамоғисиз қолиб кетган болаларни юртимизга қайтаришда Ички ишлар вазирлиги билан кенг ҳамкорлик қилинмоқда.
2022 йил давомида Россия Федерациясидан жами 37 нафар вояга етмаганлар, Қозоғистон Республикасидан 4 нафар вояга етмаганлар, Туркия давлатидан 2 нафар вояга етмаганлар жами 43 нафар бола Ўзбекистонга олиб келинди.