Баёнотда таъкидланишича, Зангиота тумани “Yoshlar-kelajagimiz” жамғармаси собиқ бош ҳисобчиси А.У. ўзининг таъсисчилигида оилавий корхонасига турмуш ўртоғини раҳбар сифатида тайинлаб, “Yoshlar-kelajagimiz” туман жамғармаси раҳбари ва АТ “Халқ банки” Зангиота филиали мансабдор шахслари билан ўзаро олдиндан жиноий тил бириктирган.

1 дона “Исузи”, 1 дона “Дамас” автомашиналарини олиш учун 320 млн сўм ҳамда 1 дона “Дамас” ва қолипли нон пишириш печкаларини сотиб олиш учун 80 млн сўм, жами 400 млн сўм имтиёзли кредит маблағларини олишга эришган. 11 нафар ёшларни иш билан таминламасдан, кредит маблағларини талон-торож қилган.

Туман “Yoshlar-kelajagimiz” жамғармаси раҳбари А.Т. танишлари номига оилавий корхоналар ташкил қилиб, уларнинг ҳар бирига паррандачилик учун 20 млн сўмдан кредит маблағлари ажратилишига эришиб, гўёки товуқлар ўлганлигини рўкач қилиб кредит маблағларини ўзлаштирган.