Bu haqda “Oʻzbekneftgaz” AJ Axborot xizmati maʼlum qildi.
Qayd etilishicha, AI-92 rusumli avtobenzin narxini bosqichma-bosqich pasaytirish ishlari olib borilmoqda.
Xususan, Buxoro NQIZda ishlab chiqarilgan AI-92 rusumli avtobenzinning birja savdolaridagi 1 tonnasi boshlangʻich narxi birinchi bosqichda 12 mln 881 ming soʻmdan 12 mln 628 ming soʻmga tushirildi. Bu esa oʻz navbatida, 1 litr AI-92 rusumidagi avtobenzinning birjadagi boshlangʻich narxi 9 400 soʻm degani.
Bu nafaqat isteʼmolchilar uchun qulay narx, balki butun bozorga ijobiy taʼsir koʻrsatadi.
