Шу йилнинг 26 апрель куни Ватиканнинг Авлиё Пётр майдонида Рим папаси Францискнинг дафн маросими бўлиб ўтди.
Маросимда Олий Мажлис Сенати Раисининг биринчи ўринбосари Содиқ Сафоев ҳам Ўзбекистон томонидан расмий вакил сифатида қатнашди.
Дафн маросимида жаҳоннинг кўплаб мамлакатлари раҳбарлари, қироллик оилаларининг аъзолари ва таниқли дин арбоблари иштирок этди.
Маълумот учун, Рим папаси Франциск 21 апрель куни 88 ёшида Ватикандаги қароргоҳида вафот этди. Президент Шавкат Мирзиёев Рим-католик черкови Камерленгоси Кардинал Кевин Фарреллга ҳамдардлик йўллаган эди.
Ўзбекистон Ташқи ишлар вазирлиги Европа Иттифоқининг Ички ишлар ва миграция бўйича бош директорати экспертлари билан виза тартибини соддалаштириш юзасидан музокараларнинг биринчи босқичини ўтказди.
Ўзбекистоннинг Непалдаги биринчи элчиси (қароргоҳи Деҳли шаҳрида) Сардор Рустамбоев ушбу мамлакат Президенти Рамчандра Пауделга ишонч ёрлиқларини топширди.
Жорий йил 11 декабрда Олий Мажлис Сенати Раисининг биринчи ўринбосари Содиқ Сафоев Бразилия Федератив Республикаси Ташқи ишлар вазири ўринбосари Сюзан Клеебанк билан учрашди.
Жорий йил 10 декабрда Инсон ҳуқуқлари бўйича Ўзбекистон Республикаси Миллий маркази ва Бирлашган Миллатлар Ташкилоти Тараққиёт дастури (БМТТД) ўртасида ўзаро ҳамкорлик тўғрисидаги меморандум имзоланди. Ҳужжатни имзолаш маросими Халқаро инсон ҳуқуқлари куни муносабати билан Инсон ҳуқуқлари уйида ташкил этилган тантанали тадбир доирасида бўлиб ўтди.
