Унга кўра, у бир неча кун ичида 60 километрга силжиган, деб хабар беради kommersant.ru.
“Улкан А23а айсберги қуруқликка тушиб, яна Жанубий океан сувларида сузмоқда. Июнь ойининг биринчи кунларида океан оқимлари таъсирида музлик айсберги А23а шарққа 60 километр силжиган ва ҳозирда аҳоли яшамайдиган Анненков оролидан 74 километр узоқликда жойлашган”, дея хабар берди интитут ахборот хизмати РИА Новости ахборот агентлигига.
Айсберг 1986 йилда Антарктидадаги муз шельфидан ажралиб чиққан. У 30 йилдан кўпроқ вақт давомида қуруқликда турган, 2023 йилда эса сузишни бошлаган. 2023 йил охирида А23а майдони тахминан 4 минг квадрат километр эди. 2025 йил июнь ойининг бошига келиб, унинг майдони 2,7 минг квадрат километргача қисқарди, дейилади Арктика ва Антарктика тадқиқот институти хабарида.
