Бирлашган Миллатлар Ташкилотининг Озиқ-овқат ва қишлоқ хўжалиги ташкилоти томонидан эълон қилинган ҳисоботга кўра, “Ғазо секторидаги ярим миллиондан ортиқ одам кенг тарқалган тўйиб овқатланмаслик, қашшоқлик ва олдини олиш мумкин бўлган ўлим билан тавсифланган очарчилик ҳолатида қолмоқда”.
Ҳисоб-китобларга кўра, сентябрь ойи охиригача Ғазо секторидаги 640 мингдан ортиқ киши БМТ томонидан ICFнинг энг юқори, бешинчи босқичи сифатида таснифланган озиқ-овқат хавфсизлигининг ҳалокатли даражасига дуч келади. Ҳудуддаги яна 1,14 миллион киши фавқулодда вазиятда, яна 396 минг киши инқироз ҳолатида бўлади.
Ғазодаги вазият очлик билан боғлиқ ўлимлар сонининг ортиши ва озиқ-овқат истеъмолининг кескин камайиши билан тавсифлангани таъкидланган. Исроил Ташқи ишлар вазирлиги БМТ ҳисоботини рад этиб, уни уйдирма ва ҲАМАС манфаатларига мослаштирилган деб атади. Вазирликнинг таъкидлашича, уруш бошланганидан бери Ғазо секторига 100 мингдан ортиқ юк машиналари гуманитар ёрдам олиб кирган ва сўнгги ҳафталарда унинг катта оқими маҳаллий бозорларда озиқ-овқат нархларининг кескин тушиб кетишига сабаб бўлган, деб хабар берди ria.ru.
