БМТ Қочқинлар бўйича Олий комиссари бошқармасининг янги ҳисоботига кўра, иқлим инқирози можаролар, очлик ва тенгсизликни кучайтирмоқда, ҳар куни тахминан 70 000 кишини уйларидан қочишга мажбур қилмоқда.
БМТ Қочқинлар бўйича Олий комиссари бошқармасининг ҳисоб-китобларига кўра, иқлим офатлари сўнгги ўн йил ичида 250 миллиондан ортиқ одамнинг кўчишига сабаб бўлди. Бу ҳодисалар нафақат тўсатдан сув тошқинлари, бўронлар ва қурғоқчилик каби табиий офатлар, балки чўлланиш, денгиз сатҳининг кўтарилиши ва экотизимнинг таназзулга учраши каби секинроқ жараёнларни ҳам ўз ичига олади, бу эса озиқ-овқат ва сув хавфсизлигига бевосита таҳдид солади, деб хабар берди centralasia.media.
