АҚШ Президентининг махсус элчиси Кит Келлогнинг маълум қилишича, Дональд Трамп Украина учун Россияга қарши узоқ масофали зарбалар беришга рухсат берган. Бу ҳақда у Fox News телеканалида баёнот берди.
Келлоггнинг сўзларига кўра, “лекин Пентагон Украинага уларни амалга ошириш ваколатини бермаган”.
“Ҳар ким Президент айтганига бўйсуниши керак. Конституция бўйича у Олий Бош Қўмондондир ва ҳамма унга бўйсунади”, деди АҚШ Президентининг махсус вакили.
АҚШ Президентининг позицияси ҳақиқатан ҳам Украинанинг Россиянинг ичкарироқ қисмига зарбалар бериши мумкинлигига асосланганми, деган саволга Келлог шундай жавоб берди:
“Менимча, унинг айтганларини ўқиб чиқиб, Вице-президент Венс ва котиб Рубио айтганларини ўқиб чиққач, жавоб “ҳа” бўлади. Чуқур зарба бериш қобилиятидан фойдаланинг. Тегиб бўлмайдиган жойлар йўқ”.
ОАВ Зеленский Нью-Йоркдаги ёпиқ учрашувда Трампдан Tomahawk ракеталари ҳақида сўрагани ҳақида хабар берган эди.
Олдинроқ интервьюда Зеленский Украина Россиядаги нишонларга зарба беришда Трамп томонидан қўллаб-қувватланишини айтганди. У Трампга аниқ бир илтимосини билдирганини тасдиқлади: янги қурол тизими, унинг фикрича, бу Путинни музокаралар столига ўтиришга мажбур қилади, деб хабар берди korrespondent.net.
