Өзбекстан Республикасы Президенти Шавкат Мирзиёев 29-апрель күни Пүткил жержүзлик жүзиў федерациясының басшысы, Азия Олимпиада кеңесиниң бас директоры Ҳусайн ал-Мусаллам ҳәм Миллий олимпиада комитетлери ассоциациясының биринши вице-президенти Шайх Жавъан бин Ҳамад Ол Сонийди қабыллады.
Спорт тараўындағы өз-ара пайдалы бирге ислесиўди және де кеңейтиў, олимпиада ҳәрекетин қоллап-қуўатлаў, мәмлекетимизде профессионал ҳәм ғалабалық спортты раўажландырыў ушын шараятлар жаратыўдың әҳмийетли мәселелери көрип шығылды.
Ушырасыў алдынан Шайх Жавъан бин Ҳамад Ол Соний Өзбекстан жетекшисине Қатар Әмири Шайх Тамим бин Ҳамад Ол Сонийдиң сәлеми ҳәм ең жақсы тилеклерин жеткерди.
Бул халықаралық спорт шөлкемлери менен әмелий бирге ислесиў жоқары дәрежеге көтерилгени қанаатланыўшылық пенен атап өтилди.
Жәҳән жүзиў федерациясы менен шерикликти беккемлеў, қәнигелер таярлаў бойынша бағдарламаларды әмелге асырыў, сондай-ақ, Өзбекстанда суў спорты түрлери ушын заманагөй ҳәм қолайлы инфраструктура жаратыўға айрықша итибар қаратылды.
Мәмлекетимизде ири халықаралық жарыслар, Азия Олимпия кеңеси Ассамблеясының мәжилиси ҳәм Олимпиада комитетлери ассоциациясының ири илажларын өткериў мәселелери де додаланды.
