Өзбекстан футбол ассоциациясының мағлыўматына бола, Миллий сайланды командасы усы турларға мүнәсип таярлық көриў ушын 28-май күни гезектеги оқыў-шынығыў жыйынына кириседи ҳәм 29-майдан жыйынды Бирлескен Араб Әмирликлеринде даўам еттиреди.
Төменде сайланды командамыз бас тренери Тимур Кападзе усы жыйынға шақырылған футболшылар дизими менен танысың:
Дәрўазаманлар:
Өткир Юсупов ("Фулад", Иран), Абдувоҳид Нематов ("Насаф"), Ботирали Ергашев ("Нефтчи").
Қорғаўшылар:
Рустам Ашурматов ("Рубин" Россия), Абдулла Абдуллаев ("Пахтакор"), Абдуқодир Ҳусанов ("Манчестер Сити"), Умар Эшмуродов ("Насаф"), Ислом Тохтахўжаев ("ОКМК"), Ҳусниддин Алиқулов ("Ризеспор," Туркия), Ҳожиакбар Алижонов ("Пахтакор"), Шерзод Насруллаев ("Насаф"), Фаррух Сайфиев ("Нефтчи").
Орта қорғаўшылар:
Одил Ҳамробеков ("Бунёдкор"), Аббос Файзуллаев (ССКА, Россия), Жамшид Искандеров ("Нефтчи"), Жалолиддин Машарипов ("Истиқлол," Иран), Остон Урунов ("Персеполис," Иран), Отабек Шукуров ("Ал Фейҳа," Саудия Арабстаны), Абдурауф Бўриев ("Пахтакор"), Акмал Мозговой ("Насаф"), Руслан Жиянов ("Навбаҳор"), Ҳожимат Эркинов ("Ал Ваҳда", БАӘ), Азиз Турғунбоев ("Сивасспор", Түркия).
Ҳүжимшилер:
Элдор Шомуродов ("Рома", Италия), Игор Сергеев ("Пахтакор").
Еслетип өтемиз, Өзбекстан Жәҳән чемпионаты 3-сайлап алыў басқышында "А" топарында мундиалға жол алыў ушын гүрес алып бармақта. Ҳәзирги ўақытта Өзбекстан сайланды командасы Жәҳән чемпионатына шығыў ушын жүдә жақсы имканиятқа ийе болып турыпты.
Бул топарда Иран 20 очко топлап, биринши орында бармақта ҳәм парсылар Жәҳән чемпионатына жоллама алып болған. Олардан кейин 17 очко менен Өзбекстан сайланды командасы бармақта. БАӘ 13, Қатар 10, Қырғызстан 6. КХДРда болса 2 очко бар.
Өзбекстан миллий сайланды командасын 5-июнь күни БАӘ менен болып өтетуғын ойында жеңис яки теңбе-тең нәтийже де мундиалға алып шығады.
Мәмлекетимиздиң бас командасы 10-июнь күни болып өтетуғын соңғы турда Қатарды қабыллайды. Бул ойын пайтахтымыздағы "Бунёдкор" стадионында болып өтеди.
