Операцион тизимни ўрнатиш учун компьютердан 800 Мб доимий хотира ва 128 Мб тезкор хотира талаб қилинган, бу эса ўша даврнинг компьютерлари учун катта кўрсаткичларидан бири бўлган.
"Mac OS Х"нинг "Kodiak" деб номланган бета (синов) версияси 29.95 АҚШ долларидан, камчиликлари бартараф этилган якуний "Puma" деб номланган версияси 129 АҚШ доллардан сотувга чиқарилган.
1955 йил 24 февраль куни АҚШнинг Сан-Фрациско шаҳрида туғилган ихтирочи, дизайнер ва тадбиркор "Apple", "NeXT" ва "Pixar" компаниялар асосчиси Стив Джобс банкротлик ёқасида турганида "Mac OS Х" орқали "Apple" уни сақлаб қолган.
"Mac OS Х" операцион тизими ўрнатилган "iMac" компьютерлари компания тарихида энг кўп сотилган компьютерлардан бири бўлиб қолган.
"Mac OS Х" интерфейс жиҳатдан чиройли дизайнга эга бўлганлиги сабабли бошқа операцион тизимларга нисбатан жуда катта фарқ билан олдинлаб кетган.
"Mac OS " операцион тизимлари фақатгина "Apple" маҳсулотларига ўрнатилиши мумкинлиги сабабли улар ҳеч қандай лицензияни талаб этмайди ва тизимда бузилишлари ҳам жуда кам кузатилади. Шунингдек, операцион тизимни тажрибаси йўқ фойдаланувчи ҳам ўрната олиши мумкин.
2020 йилдан ҳозиргача "MacOS" операцион тизимлари учун зарарли вируслар 674.273 тадан ошган бўлса-да, "Windows" операцион тизимларида шу каби вируслар 91 миллиондан ортиқ эканлиги аниқланган.
