Бу ҳақда Италия Республикаси Президенти Бош котибиятининг "Gazzetta Ufficiale" ҳукумат газетаси расмий сайтида эълон қилинган пресс-релизида маълум қилинди, дея хабар беради "Dunyo" АА.
Рўйхатга Италия ва хорижий мамлакатларнинг бошқа таниқли арбоблари ҳам киритилган.
Эслатиб ўтамиз, "Италия Республикаси олдидаги хизматлари учун" ордени Италиянинг олий давлат мукофоти бўлиб, 1951 йил 3 мартда таъсис этилган. У Италия фуқаролари ва чет элликларни адабиёт, санъат, иқтисодиёт, хайрия, ижтимоий ва гуманитар фаолият соҳаларида миллат олдидаги катта хизматлари учун тақдирлаш учун мўлжалланган.
Мукофотлаш Италия Президенти томонидан Вазирлар Кенгаши Раисининг розилиги билан, одатда йилига икки марта: 2 июнь (республика ташкил топган кун) ва 27 декабрь (Конституция куни) да амалга оширилади.
