Афғонистон Ўзбекистонга заъфарон пиёзбошларини етказиб бериши мумкин

Афғонистон пойтахтидаги "Бодом боғ" кўргазмалар марказида қишлоқ хўжалиги маҳсулотларининг 31-кузги ярмаркаси бошланди, деб хабар қилмоқда "Дунё" АА.

Афғонистон Қишлоқ, ирригация ва чорвачилик вазирлиги томонидан ташкил этилган мазкур тадбир 20 октябрга қадар давом этади.

Очилиш маросимида Афғонистон Муваққат ҳукумати раҳбарияти ва аъзолари, Кобулда аккредитациядан ўтган дипломатик корпус вакиллари, шунингдек, афғон компаниялари ва қишлоқ хўжалиги корхоналари иштирок этди.

Кўргазмада Афғонистоннинг турли компанияларининг 250 дан ортиқ павильонларида қишлоқ хўжалиги ва ҳунармандчилик маҳсулотлари намойиш этилмоқда.

Ярмарка доирасида Ўзбекистон дипломатлари Афғонистон қишлоқ, ирригация ва чорвачилик вазири вазифасини вақтинча бажарувчи Атаулла Умарий билан мулоқот қилдилар. Унда Ўзбекистонда заъфарон плантациясини яратиш бўйича икки томонлама ҳамкорликни йўлга қўйиш масалалари хусусида фикр алмашилди.

Дипломатик миссия вакиллари, шунингдек, Афғонистоннинг заъфарон етиштириш ва сотишга ихтисослашган бир қатор йирик компаниялари, хусусан "Herat Tak Chin Saffron company", "Herat Gold Saffron", "Afghanistan Red Gold Saffron Company", "Rastagar" ва бошқалар билан музокара ўтказишди.

Ўзбекистонга заъфарон пиёзбошларини етказиб бериш, уруғчиликни ривожлантириш, шунингдек, тайёр маҳсулотни ташқи бозорларга экспорт қилиш масалалари муҳокама қилинди.

Учрашувлар натижасида республикамизда ушбу маҳсулотларни етиштириш бўйича қўшма лойиҳаларни амалга ошириш мақсадида ҳамкорликни йўлга қўйиш бўйича келишувга эришилди.

Қишлоқ хўжалиги соҳасида давлат бошқаруви янада такомиллаштирилади

Ўзбекистон Республикаси Президентининг “Қишлоқ хўжалиги соҳасида давлат бошқарувини янада такомиллаштириш чора-тадбирлари тўғрисида”ги қарори (ПҚ-413-сон, 02.12.2024 й.) қабул қилинди.

Ўзбекистонда Япония технологияси асосида хурмо мевасини қуритиш амалиёти йўлга қўйилади

Бирлашган миллатлар ташкилотининг Озиқ-овқат ва қишлоқ хўжалиги ташкилоти маълумотларига кўра, Ўзбекистонда 83600 тонна хурмо меваси етиштирилади. Етиштирилган хурмо мевасининг аксарияти деҳқон ва томорқа хўжаликлар ҳиссасига тўғри келади.

Фарғонада кунига ўртача 150 тонна хурмо экспорт қилинмоқда

Умумий қиймати 8,5 млн долларга тенг бўлган 1768 партиядаги 13126 тонна хурмо маҳсулотлари Россия, Украина, Беларусь, Тожикистон, Қирғиз ва Қозоғистон каби давлатларга экспорт қилинди.

Самарқандда картошка уруғчилиги ривожланади

Самарқанд агроинновасиялар ва тадқиқотлар институтида “Ўзбекистонда картошка уруғчилигини ривожлантириш ва кадрлар салоҳиятини ошириш” мавзусида халқаро илмий-амалий конференция ташкил этилди.

Картошка уруғчилиги халқаро тажрибалар билан ривожланади

Таълим сифатини ошириш, назарий билимларни амалиёт билан интеграция қилиш борасида мамлакатимиз олийгоҳларида кўплаб ишлар бажарилмоқда. Бу борада Самарқанд агроинновациялар ва тадқиқотлар институтида ҳам қатор лойиҳалар устида изланиш олиб борилмоқда.

Қишлок хўжалигида сув олиш лимитлари халқ депутатлари Кенгашлари томонидан тасдиқланади

Ўзбекистон Республикаси Президенти томонидан «Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида»ги ЎРҚ-981-сонли Қонун имзоланди.