Амстердамда 11 ноябрь оқшомида бир неча ўнлаб одамлар иштирокида тартибсизликлар юз берди. Улар автомобилларга зарар етказди ва шаҳар трамвайига пиротехника воситасида ўт қўйди. Бу ҳақда NOS хабар бермоқда.

Тўқнашувлар Нью-Вест ҳудудидаги шаҳар майдонларидан бирида бошланган. Бир неча ўнлаб одамлардан иборат оломон машиналар ва автобусга тош отишни ва кучли пиротехника воситаларидан фойдаланишни бошлади. Оқибатда ичида йўловчилар бўлмаган трамвайда ёнғин содир бўлди, у тезда ўчирилди.

Кейинчалик вандаллар Слотермеерлан кўчасига ўтишди, у ерда полиция билан тўқнашувлар содир бўлди.

Тўполон сабаблари номаълум. Видеода воқеаларнинг айрим иштирокчиларидан антисемитизм шиорлари эшитилди. Полиция уч кишини ҳибсга олди. Ҳуқуқ-тартибот идоралари ходимлари янги ҳибсга олишларни истисно қилмаяпти.

Амстердамда Исроил жамоаси билан ўйин фонида юз берган тартибсизликлар, мазкур жамоа мухлисларига уюштирилган ҳужумдан сўнг бир неча кундан бери махсус режим жорий этилган.

Полиция воқеаларга алоқадор ҳибсга олиш билан боғлиқ бешта янги ҳолат ҳақида хабар берди. Ҳибсга олинганлар бошқаларга нисбатан куч ишлатганликда гумон қилинмоқда. Булар амстердамлик, гергюговартлик ва утрехтлик 18 ёшдан 37 ёшгача бўлган эркаклардир.

8 ноябрь куни Нидерландия пойтахтида номаълум шахслар “Аякс” ва “Маккаби” (Тел-Авив) футбол клублари ўртасидаги ўйин учун Исроилдан келган мухлисларга ҳужум қилган эди, деб хабар беради korrespondent.net.