Андижонда бозор растаси қулаши оқибатида бир нафар тадбиркор жароҳат олди

Ушбу ҳолат юзасидан масъул идоралар вакилларидан иборат тезкор ишчи гуруҳ тузилиб, ўрганиш ишлари олиб борилди, деб ёзади туман ҳокимлиги ахборот хизмати.

Ҳодиса 2025 йил 21 декабрь куни соат 11:00 атрофида Хўжаобод тумани буюм бозори ҳудудида содир бўлган. Аниқланишича, тадбиркор томонидан дўкон олдига қўлбола усулда қурилган савдо растаси техник талабларга жавоб бермаган. Шунингдек, растасининг юқори қисмига меъёридан ортиқ оғир қишки кийимлар илиб қўйилгани оқибатида у қулаган.

Ҳодиса оқибатида юқоридаги камчиликларга йўл қўйган бир нафар тадбиркор тан жароҳати билан шифохонага олиб кетилиб, зудлик билан малакали тиббий ёрдам кўрсатилган. Ҳозирда унинг аҳволи қониқарли деб баҳоланмоқда.

Маълум қилинишича, ҳодиса оқибатида бошқа жабрланувчилар аниқланмади. Айни пайтда воқеа сабаблари тегишли идоралар томонидан ўрганилмоқда.

Андижон вилояти ҳокимига икки ўринбосар тайинланди

Тўланов Акмалжон Махамматумарович Андижон вилояти ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари-иқтисодиёт ва молия бош бошқармаси бошлиғи этиб тайинланди.

Хизмат вақтида ҳалок бўлган профилактика инспектори "Жасорат" медали билан тақдирланди

Андижон вилоят ҳокими Шуҳратбек Абдураҳмонов бошчилигидаги мутасаддилар ўз хизмат вазифасини ўтаётган вақтда ҳалок бўлган, Хўжаобод тумани “Юксалиш” маҳалласи ҳудуд профилактика инспектори катта лейтенант Абдурасул Абдувалиев оиласи билан учрашди.

Андижон вилоятида туризмни ривожлантиришда Мингтепа археология меросининг ўрни

“Мингтепадек буюк тарихимизни ёритувчи, исботловчи масканларимиз бор экан, биз бошқалар олдида бошимизни кўтариб юришимиз керак. Албатта бундай буюк ўтмишимиз ҳақида аввало ўзимиз ёшларимиз ичида кенг тарғиб қилишимиз керак”, — Шавкат Мирзиёев.

Андижонда бозор растаси қулаши оқибатида бир нафар тадбиркор жароҳат олди