Юртимизга ташриф доирасида Майк Рожерс Ўзбекистон Республикаси мудофаа вазири генерал-лейтенант Баҳодир Қурбонов билан учрашди.
Учрашув давомида ҳар икки томон Ўзбекистон ва АҚШ ўртасидаги муносабатлар тенглик, ишонч ва ҳурмат, ўзаро манфаатларни инобатга олиш каби принциплар асосида ривожланаётгани, стратегик шериклик даражасига етганлиги таъкидлаб ўтилди.
Шунингдек, кейинги йилларда икки томонлама ҳамкорликда юқори даражага эришилгани, фаол мулоқотлар ва ўзаро ташрифлар давом этаётгани алоҳида мамнуният билан қайд этилди, деб хабар беради Мудофаа вазирлиги матбуот хизмати.
