Ташқи ишлар вазири Бахтиёр саидов бугун Сеул шаҳрида Корея Республикаси ташқи ишлар вазири Чо Тхе Ёл жаноблари билан учрашди.
Учрашувда Ўзбекистон Республикаси Президенти ва Корея Республикаси Президентининг жорий йил Июнь ойида Тошкентда бўлиб ўтган мулоқоти юқори технологиялар, инновацион иқтисодиёт, “яшил” энергетика, ақлли қишлоқ хўжалиги ва бошқа соҳаларда янада фаол ҳамкорликка йўл очгани қайд этилди.
Шунингдек, мамлакатларимиз ўртасидаги барча келишувларни рўёбга чиқариш, айниқса, иқтисодий соҳада янги комплекс лойиҳаларни ишлаб чиқиш, шунингдек, минтақавий ва халқаро миқёсдаги ҳамкорликлар муҳокама қилинди.
Президент ёрдамчиси Саида Мирзиёева Шайх Ол-Маясса бинт Ҳамад бин Халифа Ол Соний ҳазрати олияларининг таклифига биноан Марокашда “Фашион Труст Арабиа” мукофотларини топшириш маросимида иштирок этди.
Куни кеча мамлакатимизда Олий Мажлис Қонунчилик палатаси ва маҳаллий кенгашлар депутатлигига бўлиб ўтган сайловларда кузатувчи сифатида иштирок этган Миср Араб Республикаси Парламенти сенатори, “Аш-Шуруқ” газетаси бош муҳаррири Эмад Элдин Ҳасан Аҳмад Муҳаммад “Янги Ўзбекистон” ва “Правда Востока” газеталари таҳририятида бўлди.
