Жорий савдо-иқтисодий ҳамкорлик масалалари, шунингдек, II Минтақалараро Ўзбекистон-Беларусь форуми ва бошқа йирик тадбирларни Тошкент шаҳрида ўтказишнинг ташкилий жиҳатлари муҳокама этилди.
Форумда Беларуснинг 150 нафар минтақавий вакиллари ва етакчи саноат корхоналари раҳбарлари иштирок этиши кутиляпти. Дастур доирасида Ўзбекистондаги йирик ишлаб чиқариш объектларига ташриф буюриш, ўзбекистонлик ҳамкорлар билан учрашувлар ўтказиш ва янги, ўзаро манфаатли шартномалар тузиш кўзда тутилган.
Форум давомида ўзаро кўриб чиқиш ва келишиш учун таклиф этилган йирик қўшма лойиҳалар салоҳияти ҳамда тадбирни амалий мазмун билан бойитишга қаратилган бошқа ташкилий масалалар таҳлил этилди.
Учрашув якуни бўйича икки мамлакат ўртасидаги ўзаро савдо ва саноат кооперацияси кўламини ошириш доирасида ўзаро ҳамкорликни фаоллаштириш бўйича аниқ келишувларга эришилди, деб хабар беради Инвестициялар, саноат ва савдо вазирлиги матбуот хизмати.