Бу ҳақда Бельгия Бош вазири Барт Де Вевер БМТ Бош Ассамблея сессияси чоғида маълум қилди, деб хабар берди report.az.
“Бельгия ҳар доим икки давлат тамойилини ҳимоя қилиб келган ва бугун Нью-Йорк декларациясини имзолаган давлатлар қаторига қўшилди. Фақат шундай ечим Исроил ва Фаластин халқига тинчлик ва хавфсизликда ёнма-ён яшаш имконини беради”, деб таъкидлади ҳукумат раҳбари.
“Исроиллик сиёсатчилар, жумладан, Бош вазир [Биньямин Нетаньяху]нинг Фаластин давлати мавжуд бўлмайди, деган сўнгги баёнотлари бу масалада фаластинликларни қўллаб-қувватлаш учун қўшимча сабабдир. Шунинг учун Бельгия бугун Фаластин давлатини тан олганини эълон қилган давлатлар гуруҳига қўшилиш орқали бутун дунёга кучли сиёсий сигнал юбормоқда”, деди Вевер.
