Самарқанд вилоят ҳокими Эркинжон Турдимов Япониянинг Нара шаҳри делегацияси аъзолари билан учрашув ўтказди.
Унда шаҳарлар ўртасида дўстона муносабатларни янада мустаҳкамлаш ҳамда иқтисодиёт ва туризм, илм-фан, маданият ва спорт каби бир қатор соҳаларда ҳамкорликни ривожлантириш, алоқаларни изчил йўлга қўйиш масалалари илгари сурилди.
Учрашув якунида Нара ва Самарқанд шаҳарлари ўртасида биродарлик алоқаларини ўрнатиш тўғрисида битим имзоланди.
Учрашувлар давомида Ўзбекистон-Япония савдо-иқтисодий ва молиявий-техникавий ҳамкорликнинг бир қатор долзарб масалалари муҳокама этилиб, иқтисодиётнинг турли тармоқларида саноат кооперацияси ва савдо ҳажмини янада ошириш бўйича аниқ чора-тадбирлар ишлаб чиқилди.
