Тадқиқотлар шуни кўрсатдики, у Яқин Шарқ респиратор синдроми вируси (Mers-CoV) билан кучли ўхшашликларга эга. Охиргиси 2012 йилда топилган ва 850 дан ортиқ одамнинг ўлимига сабаб бўлган.
Янги коронавируснинг генетик кетма-кетлиги Mers-CoV геноми билан 72 фоиз бир хил. Хусусан, вирус ташувчи ҳужайраларга ёпишиш учун фойдаланадиган бошоқ оқсили Яқин Шарқ респиратор синдроми оқсилига 71,74 фоизга ўхшаш.
Олимлар янги вирус одамлар учун юқимли эканига ҳали амин эмас. Улар бу саволга жавоб топиш учун юқори даражадаги биологик хавфсиз лабораторияларда тажриба ўтказишни режалаштирмоқда.
Тадқиқот давомида мутахассислар сичқонларнинг 16 туридан 423 та биологик материал намуналарини таҳлил қилишди. Улар Бразилия шимоли-шарқидаги Форталеза шаҳрида овланган кўршапалакларда етти бор коронавирусни аниқлашди. Олимлар, шунингдек, вирус геномини аралаштириш ва ўзгартириш далилларини топишди – бу жараёнлар рекомбинация деб номланади.
Топилмалар коронавирусларнинг кенг генетик хилма-хиллигини, янги тармоқларнинг мавжудлигини ва рекомбинация ҳодисаларини таъкидлайди, деб хабар беради mir24.tv.
Олимларнинг таъкидлашича, кўршапалаклар вирусларнинг муҳим резервуари бўлиб, доимий эпидемиологик назорат остида бўлиши керак, дея хабар беради Journal of Medical Virology.
