Тадқиқот натижалари Nature Communications журналида чоп этилди ва бу ҳақда Daily Mail хабар берди.
Тадқиқотчиларнинг фикрича, бу патоген Яқин Шарқ респиратор синдромини келтириб чиқарадиган ҳалокатли MERS-CoV (Middle East respiratory syndrome coronavirus) вируси билан бир оилага тегишли. Бу икки ўркачли туяларидан одамларга юқадиган зооноз патоген бўлиб, оғир респиратор касалликларни келтириб чиқаради, улар касалланганларнинг учдан бир қисмининг ўлимига сабаб бўлиши мумкин.
HKU5 биринчи марта 2020 йилги пандемияга сабаб бўлган, SARS-CoV-2 сизиб чиққан Хитой лабораторияси тадқиқотчилари томонидан кўршапалакларда топилган. Вашингтон штати университетининг вирусология профессори ва тадқиқот муаллифларидан бири Майкл Летконинг айтишича, HKU5 вируслари илгари кўп ўрганилмаган. Лаборатория шароитида улар кўршапалаклар ҳужайраларини юқтириш қобилиятини аллақачон кўрсатган. Летконинг сўзларига кўра, агар вирус оқсилининг тузилишига битта ўзгартириш киритилса, у бурун, томоқ ва оғизда жойлашган одам ACE2 рецепторлари билан боғлана олади.
Ҳозирги кўринишида вирус фақат кўршапалакларни зарарлайди, аммо мутахассислар Хитойда ёввойи ҳайвонларнинг назоратсиз савдоси касалликнинг тарқалиш хавфини оширишидан қўрқишади. HKU5-CoV-2 штаммлари Хитойнинг жанубий ва шарқий вилоятларида тўпланган намуналарда аллақачон аниқланган, деб хабар беради rbc.ru.
