Бу йил 805 минг 688 нафар абитуриент тестларда иштирок этади.
2024/2025 ўқув йилида профессионал ва олий таълим муассасаларига ўқишга кириш учун тест имтиҳонлари бошланди. Имтиҳонлар республиканинг 73 та ёпиқ турдаги биноларида ўтказилади. Бинолар билан тўлиқ бу ерда танишиш мумкин.
Абитуриентларга 3 та мажбурий фан учун (жами 30 та савол) — 60 дақиқа, 2 та мутахассислик фанлари учун (жами 60 та савол) — 120 дақиқа, жами 180 дақиқа (3 соат) вақт берилади.
Тест 14-25 июль кунлари 2 сменада бўлиб ўтади.
1-смена: 8:00 да;
2-смена:15:00 да бошланади.
Абитуриентлардан тест синовлари бошланишидан камида 1 ярим соат олдин белгиланган ҳудудда келиш талаб этилади.
Улар тестга паспорт (ID) ва абитуриент рухсатномасини олиб келишлари талаб қилинади.
