Рақамли технологиялар ўқув маркази очилиш маросимида Ахборот технологиялари ва коммуникацияларини ривожлантириш вазирлиги, Самарқанд вилоят ҳудудий бошқармаси, Булунғур туман ҳокимлиги, кенг жамоа вакиллари, Вазирлик тизимидаги вилоят корхона ва ташкилотларнинг вилоят бўлинмалари, туман фаоллари ҳамда маҳаллий ёшлар иштирок этди.
Ушбу марказда замонавий рақамли технологиялар, электрон тижорат, дастурлаш асослари, робототехника бўйича ёшларни ўргатувчи ўқув курсларини ташкил этиш кўзда тутилган. Шунингдек, мазкур марказда тумандаги давлат ва хўжалик бошқаруви органлари ҳамда маҳаллий ижро этувчи ҳокимият органлари раҳбар ва ходимларининг ахборот-коммуникация технологиялари бўйича малакаларини ошириш мақсад қилинган.
Рақамли технологиялар ўқув марказида ташкил этилган курсларни муваффақиятли тугатган ёшлар сертификат билан тақдирланади, деб хабар беради Ахборот технологиялари ва коммуникацияларини ривожлантириш вазирлиги матбуот хизмати.