Тўқнашув Шарқий Йоркшир қирғоғида, Халл шаҳридан шарқда, маҳаллий вақт билан соат 09:48 да содир бўлди. Контейнер ташувчи кема лангарда турган нефть танкерига урилиб кетган кўринади.
Иккита кемада ёнғин содир бўлди. Тўқнашув жойига қутқарув кемалари ва вертолёт жўнатилди. Тўқнашувдан сўнг олинган сурат ва видеолар интернетда эълон қилинмоқда. Танкердан қора тутун кўтарилмоқда.
Sky News хабарига кўра, танкер ва контейнер ташувчи кеманинг тўқнашиб кетиши оқибатида 32 киши жабрланган.
Воқеа жойида қидирув-қутқарув операцияси олиб борилмоқда, деб хабар беради kaktus.media.
