Дам олиш кунлари Ўзбекистон ҳудуди бўйича асосан кам булутли ва бироз иссиқ об-ҳаво сақланиб туради, ҳаво ҳарорати кундузи +30...+35 даража, баъзи жойларда +37 даражагача, кечаси ва эрталаб +17...+22 даража бўлади, дея хабар беради Ўзгидромет.

Қайд этилишича, шу йилнинг 5-6 сентябрь кунлари республиканинг айрим жойларида шамол тезлиги 13-18 м/с гача кучайиши, чанг-тўзонлар билан кузатилиши мумкин.

Тошкентда: ҳаво кам булутли бўлади. Шамол шарқдан 3-6 м/с тезликда эсади, 5 сентябрда баъзи жойларда 8-10 м/с гача кучайиши мумкин.

Ҳарорат 5 сентябрда +35...+37 даража, 6-7 сентябрда +33...+35 даража, кечалари +18...+20 даража бўлади.