Глобал маълумотлар таҳлили шуни кўрсатдики, 2022 йилда болалар ва ўсмирлар ўртасида семириш даражаси 1990 йилга нисбатан тўрт баравар юқори. Семириб кетиш даражаси аёлларда икки баравар, эркакларда эса қарийб уч баробар ошди. Умуман олганда, 2022 йилда 159 миллион бола ва ўсмир ва 879 миллион катталар семириб кетган.
Кам вазн нуқтаи назаридан, 1990 ва 2022 йиллар оралиғида дунё бўйлаб ушбу касалликка чалинган болалар ва ўсмирлар улуши қизлар ўртасида қарийб бешдан бир қисмга ва ўғил болалар орасида учдан бир қисмга камайди. Худди шу даврда бутун дунё бўйлаб кам вазнга эга бўлган катталар улуши ярмидан кўпроққа камайди.
Семириб кетиш ва вазннинг камайиб кетиши нотўғри овқатланиш туфайли юзага келади, у кўп жиҳатдан одамлар саломатлигига зарар етказади. Катталар тана массаси индекси квадрат метр учун 30 килограммдан ортиқ ёки тенг бўлса, семириб кетган деб ҳисобланади ва агар уларнинг тана массаси индекси квадрат метрига 18,5 килограммдан кам бўлса, кам вазнли деб таснифланади, деб хабар беради lenta.ru.
