Кўрсаткичлар барча манбалар: нефт, газ, кўмир, атом, гидроэнергетика ва қайта тикланадиган энергия бўйича ўсди.

2024 йилда энергия тармоғидан глобал карбонат ангидрид чиқиндилари кетма-кет тўртинчи йил янги рекордга кўтарилди. Бу ҳақда Энергетика институти томонидан 26 июнь, пайшанба куни эълон қилинган жаҳон энергетикасининг йиллик статистик шарҳида айтилади.

Ҳисоботда геосиёсий беқарорлик, хусусан, Россиядан нефть ва газ етказиб бериш йўналишларини ўзгартирган Россия-Украина уруши ва энергия хавфсизлиги учун хавфларни оширувчи Яқин Шарқдаги можаро шароитида қазиб олинадиган ёнилғидан воз кечиш қийинлигига урғу берилган.

Қайд этилишича, 2024 йил рекорд даражадаги энг иссиқ йил бўлди: ўртача ҳарорат биринчи марта саноатдан олдинги даражадан 1,5 °C га ошди.

Умуман олганда, глобал энергия таъминоти 2006 йилдан бери биринчи марта 2 фоизга ўсди. Барча манбалар: нефть, газ, кўмир, атом, гидроэнергетика ва қайта тикланадиган энергия манбалари кўпайди. Бу CО2 эмиссиясини тахминан 1 фоизга, 40,8 гигатонгача ошишига олиб келди.

Табиий газдан фойдаланиш қазиб олинадиган ёнилғилар орасида энг кўп ўсди – 2,5 фоиз. Кўмир 1,2 фоизга ўсди ва дунёдаги энг йирик ишлаб чиқариш манбаи бўлиб қолди. Нефть истеъмоли 1 фоиздан камроқ ўсди.

Шу билан бирга, шамол ва қуёш энергияси 16 фоизга ўсди, бу энергияга бўлган талабнинг умумий ўсишидан тўққиз баробар тезроқ.

Таҳлилчиларнинг таъкидлашича, “яшил” энергетика ривожланишининг рекорд суръатига қарамай, дунё Дубайдаги COP28 иқлим саммитида келишиб олинганидек, 2030 йилга бориб қайта тикланадиган қувватларни уч баравар ошириш мақсадига эриша олмаяпти.

Европа Иттифоқи Кенгаши 2035 йилдан бошлаб бундай чиқиндиларни 100 фоизга қисқартиришга эришиш мақсадида янги енгил автомобиллар ва енгил юк машиналари учун CО2 эмиссиясининг қаттиқроқ стандартлари тўғрисидаги низомни қабул қилди, деб хабар беради korrespondent.net.