Маданият ва туризм вазирлиги томонидан жорий йилнинг 17-18-май кунлари 14 нафар халқаро оммавий ахборот воситлари вакилларинининг Навоий вилоятига ташрифи ташкил қилинди. Жараён Ўзбекистоннинг Буюк Британиядаги туризм бренди элчиси Софи Ибботсон билан ҳамкорликда амалга оширилди.
Бундан кўзланган мақсад юртимизнинг миллий маданияти ва туризм салоҳиятини Канада, Сингапур, Португалия, Буюк Британия, Исроил, Малайзия, Покистон, Ҳиндистон, Туркия, Қатар давлатларида кенг тарғиб этиш ҳамда ушбу давлатлардан Ўзбекистонга ташриф буюрувчи сайёҳлар сонини оширишдан иборатдир.
Шунингдек, халқаро оммавий ахборот воситалари вакилларидан иборат делегация Нурота тумани Чашма мажмуасида, Aйдаркол соҳиллари ҳамда ўтовл лагерларда бўлиб, ажойиб таассуротларга эга бўлишди.
