Унинг сўзларига кўра, биринчидан, совуқ об-ҳаво ва газ босимининг пасайиши даврида чекка ҳудудларга газ етиб бормайди, шунинг учун уларни тўлиқ суюлтирилган газга ўтказиш ва икки томонлама кўмирда ишлайдиган қозонларни электр ва иссиқлик энергиясини параллель ишлаб чиқариш учун қуриш режалаштирилган.
Бу марказий ҳудудларда газ босимининг пасайиши билан боғлиқ оқибатларни ҳам юмшатишга ёрдам беради, деди вазир.
Иккинчидан, муқобил энергетикани ривожлантиришни жадаллаштириш режалаштирилмоқда, чунки қуёш электр станциялари кескин совуқ пайтида ўз самарадорлигини кўрсатиб, ўз қувватларининг 98 фоизигача — қарийб 1,1 миллион кВт/соат электр энергияси ишлаб чиқарди.
Вазирнинг сўзларига кўра, қуёш электр станцияларини қуриш лойиҳалари тендерсиз танланиши мумкин, чунки тендер ва қурилиш жараёни 5 йилгача, тўғридан-тўғри шартнома бўйича эса бу муддат 1−2 йилгача қисқартирилиши мумкин. Шу билан бирга, давлат томонидан электр энергиясини сотиб олиш нархлари сўнгги тендерлар даражасида бўлади, деди Энергетика вазирлиги раҳбари.
Лойиҳани қисқа муддатда амалга ошириш имкониятига эга Хитойнинг энергетика компаниялари 2 ГВт қувватга эга муқобил энергия объектларини қуриш лойиҳаларига жалб этилиши мумкин.
«Ушбу станциялар тўлиқ қувватга етгунча ярим қувватда, яъни 1 ГВт қувватда ишласа ҳам, бу кун давомида электр энергиясидан фойдаланиш, компрессор станцияларида газ босимини тушириш ва уни сақлаш имконини беради. Кечқурун эса юқори босимли газни бериш мумкин бўлади», — дея тушунтирди Журабек Мирзамаҳмудов.
Учинчидан, газ истеъмолининг қарийб 8−10 фоизини ташкил этувчи қурилиш материаллари ишлаб чиқарувчи корхоналар ва иссиқхоналарни кўмирга ўтказиш режалаштирилган. Вазирнинг таъкидлашича, кўплаб иссиқхоналар совуқ ҳавода газ босими пасайганда, кўмир ускуналари билан жиҳозланган.
Бунинг учун Қирғизистон ва Қозоғистондан қўшимча равишда 1 миллион тоннадан (жами 2 миллион тонна) кўмир харид қилиш режалаштирилган.
Тўртинчидан, энергия тежаш йўналишидаги ишларни такомиллаштириш, газ, электр ва иссиқлик энергиясини ташишда йўқотишларни камайтириш, давлат биноларини электр ва иссиқлик таъминотини таъминлаш учун муқобил энергия манбалари билан жиҳозлаш режалаштирилган.
