2021 йил март ойида ўтказилган тестлар натижаларига кўра, учинчи авлоднинг 12,9 дюймли "iPad Pro“ ”Apple«нинг энг кучли мобил қурилмалари рейтингида биринчи ўринни эгаллади. ”Apple A12X Bionic" процессори, тўрт гигабайт оператив ва 256 гигабайт ички хотирага эга планшет 727 минг балл тўплаган.
Иккинчи ва учинчи ўринларни мос равишда 717 ва 712 минг балл олган "iPad Pro 4»нинг 12,9 ва 11 дюймли версиялари эгаллаб турибди.
Эътиборли жиҳати, энг юқори беш ўринни планшетлар банд қилди. Хусусан, кучли бешликка 11 дюймли "iPad Pro“ ва ”iPad Air" кирган.
Рейтингни тузувчилар томонидан "iPhone 12 Pro Max" энг кучли смартфон сифатида қайд этилган.
