Қонунчилик палатасининг куни кеча бўлиб ўтган мажлисида “Ер кодексига қўшимча ва ўзгартиришлар киритиш тўғрисида”ги қонун лойиҳаси иккинчи ўқишда қабул қилинди.
Қонун лойиҳасига кўра Ер кодексига қўйидаги асосий қўшимча ва ўзгартиришлар киритилмоқда:
- эндиликда қишлоқ хўжалигига мўлжалланган ерларни бир тоифасидан бошқа тоифасига ўтказиш мазкур ер участкаларига бўлган ҳуқуқлар Ер кодексида белгиланган тартибда бекор қилинганидан кейин ва ер участкалари янгидан берилишидан олдин амалга оширилади;
- суғорилмайдиган қишлоқ хўжалигига мўлжалланган ерларга рухсат этилган қурилиш объектларини жойлаштиришни (қуришни) назарда тутувчи лойиҳалар вилоятлар ва Тошкент шаҳар ҳокими томонидан тасдиқланади;
- ер участкаларини олганлик учун ҳақ белгиланган муддатларда тўланмаганда – бу ҳақида ваколатли органлар томонидан муддати ўтган қарздорлик мавжудлиги бўйича огоҳлантириш берилган санадан бошлаб 6 ой ичида бартараф этилмаганда ер участкаларига бўлган ҳуқуқларнинг бекор қилинишига асос бўлади.
