Олимлар когнитив нуқсони бўлмаган 4726 кишидан олинган 12500 дан ортиқ МРТ текширувини таҳлил қилишди ва эркакларда миянинг кўпроқ ҳудудларида кулранг моддалар йўқолишини аниқлашди.
Хусусан, посцентрал кортекс – тегиниш, оғриқ ва позицияни англаш учун масъул бўлган соҳа – эркакларда йилига 2 фоизга, аёлларда эса 1,2 фоизга қисқаради.
“Бу натижалар эркаклар тезроқ қаришини кўрсатади ва бу уларнинг қисқа умр кўришига қисман ишора қилади”, дея қайд этди Сидней университети нейропсихологи Фиона Кумфор.
Бироқ, миянинг қариши секинроқ бўлишига қарамай, аёлларда Альцгеймер касаллигининг ривожланиш эҳтимоли кўпроқ. Осло университети тадқиқотчиси Анне Равндал шундай таъкидлайди: “Агар миянинг тузилмавий ўзгаришлари асосий омил бўлганида, биз аёлларда гиппокамп ҳажмининг ёки бошқа хотира билан боғлиқ бўлган соҳаларнинг кўпроқ йўқолишини кўрган бўлардик”.
Тадқиқотчилар бошқа омиллар, хусусан, умр кўриш давомийлиги, гормонал ўзгаришлар ёки касалликка турли хил мойиллик – бу фарқни яхшироқ тушунтириши мумкинлигини таъкидламоқда, деб хабар берди korrespondent.net.
