Ўтган ҳафтада юлдузлараро “комета-кема” Ергача бўлган 300 миллион километр чегарани кесиб ўтди ва оралиқ масофани бир суткада тахминан икки миллион километрга қисқартирмоқда, дейилади хабарда. Бир ойлардан сўнг комета ва сайёрамиз оралиғидаги масофа 269 миллион километрни ташкил этади ва шундан сўнг 31/Atlas аста-секин бизнинг қуёш системасини тарк эта бошлайди.
Дастлаб мазкур объектни жорий йилнинг 1 июнида қайд этишган эди. Кейинчалик олимлар бу комета бошқа юлдуз тизимига тегишли эканлигини аниқлашди. Унинг ядроси атрофидаги газ ва чанг булутлари диаметри тахминан 24 километр келишини таъкидлаб ўтишганди. Компьютер модели унинг тахминий ёшини етти ярим миллиард йилдан ортиқ (Қуёшдан уч миллиард йил кўп) деб кўрсатди. Эҳтимол бу аввал кузатилган энг қадимги комета бўлиши мумкин.
Сентябрь ойида Гарвард университети олими Ави Лебнинг қайд этишига кўра, Қуёш системаси орқали учиб ўтган мазкур юлдузлараро 31/Atlas объекти ўз рангини ўзгартира бошлаб “аномаль эволюция”га учради.
Ноябрь ойи бошларидаги NASA реактив ҳаракат лабораторияси маълумотларига кўра, коинот объекти Қуёшга яқинлашиш давомида кутилмаган маневр орқали ногравитацион тезлашишнинг илк исботини тасдиқлади. Ўшанда олим А. Леб 31/Atlas Қуёшга яқинлашишида тегишли траекторияни ўзгартиришига қандайдир номаълум куч таъсир этган, дея тахмин қилганди.
Ўтган ҳафтада NASA махсус матбуот анжуманида 31/Atlasнинг янги суратларини эълон қилди ва юлдузлараро ушбу объект ўзга юлдуз тизмидан келган комета эканлигини тасдиқлади. Шу билан бирга унинг Қуёш тизимига кириб келиш даври давомида ҳаракатланишини кузатишганини ҳам айтиб ўтишди, деб хабар берди ria.ru.
