“Фенербахче” саралаш босқичида “Бенфика”га имкониятни бой бериб (0:0, 0:1) Чемпионлар лигасининг асосий босқичига чиқа олмади.

“Биз 2024/25 йилги мавсумдан буён профессионал футбол жамоамизга мураббийлик қилиб келган Жозе Моуринью билан хайрлашдик.

Унга жамоамиз ривожига қўшган ҳиссаси учун миннатдорчилик билдирамиз ва келгуси фаолиятида муваффақиятлар тилаймиз”, дейилади пресс-релизда.

62 ёшли португалиялик турк клубини 2024 йилдан буён бошқариб келаётганди. Ўтган мавсумда “Фенербахче” миллий чемпионат турнир жадвалида иккинчи ўринни эгаллаган эди.

Моуринью “Порту” ва “Интер” билан Чемпионлар лигасида ғолиб чиққан, уч карра Англия чемпиони (“Челси” билан), икки карра Италия чемпиони (“Интер” билан) ва Испания чемпиони (“Реал Мадрид” билан). Португалиялик мураббий “Манчестер Юнайтед”, “Тоттенхэм” ва “Рома” клубларида ҳам ишлаган, деб хабар берди news.sportbox.ru.