Деярли икки ҳафтадан буён Грециянинг Волос шаҳрининг 200 минг аҳолиси ичимлик сувисиз кун кечирмоқда.
Бунга “Даниэль” тўфони оқибатида юз берган сув тошқини сабаб бўлди. Шаҳар маъмурияти сув таъминоти тизими тахминан уч ҳафта ичида ишга тушиши ҳақида айтиб ўтди.
Айни пайтда Грецияда 14 киши сув тошқини қурбони бўлди. Сентябрь ойи бошида мамлакатда кучли ёмғир ёғди.
Шаҳарлар ва курортлар, Афинада Миллий санъат галереясининг ертўласи сув остида қолди. Жами икки мингга яқин одам хавфсиз жойларга олиб ўтилди, деб хабар беради mir24.tv.
Ҳиндистон шимолидаги Уттаракханд штатининг тоғли Дехрадун туманида сўнгги икки кун ичида ёққан кучли муссон ёмғири ва кўчки оқибатида камида 17 киши ҳалок бўлди, 20 дан ортиқ киши бедарак йўқолди.
Покистонда муссон ёмғири бошланган июнь ойининг охиридан бери кучли ёмғир ёғиши ва шунга боғлиқ ҳодисалар туфайли камида 660 киши ҳалок бўлди ва 929 киши жабрланди, деб хабар берди душанба куни Табиий офатларни бошқариш миллий бошқармаси.
