Ҳиндистоннинг Мадхя-Прадеш штатида “Hygenco” номли водород ишлаб чиқарувчи тажриба заводи ишга туширилди. У тармоқдан ташқари қуёш электр станциясидан қувватланади, деб ёзмоқда “PV Magazine” журнали хабарига таяниб “Ўзбекгидроэнерго” АЖ.
Мавжуд “ Vivaan Solar” қуёш электр станцияси тармоқдан узилиб, бутунлай яшил водород ишлаб чиқариш учун қайта ўрнатилди.
Тажриба қилинаётган водород қурилмаси энергия истеъмолини назорат қилиш ва бошқариш тизими томонидан тартибга солиниб туради ва у қувватнинг ҳолати, водород ҳосил қилиш, босим, ҳарорат ва ҳужайра тозалиги каби параметрларини кузатиб боради, шунингдек, юқори самарадорликка эришиш мақсадида реал вақтда мустақил қарорлар қабул қила олади.
