Ҳиндистон ғарбидаги Ражастхан штатида жума куни эрталаб ҳукумат мактабининг бир қисми қулаб тушиши оқибатида камида тўрт нафар бола ҳалок бўлди, 20 га яқин бола жароҳатланди, Бу ҳақда маҳаллий расмийлар хабар берди.
Пиплоди мактаби Жалавар туманининг Манохар Тана ҳудудида жойлашган. Хабар қилинишича, 32 нафар бола вайроналар остидан чиқариб олинган, яна бир қанча болалар вайроналар остида бўлиши мумкин.
Воқеа маҳаллий вақт билан эрталаб соат 8:30 да содир бўлган, воқеа жойида 40 дан ортиқ бола, бир қанча ўқитувчилар ва ходимлар бўлган.
Ражастхан Бош вазири Бхажанлал Шарма маҳаллий амалдорларга жароҳатланган болаларга тегишли даволаниш чоралари кўришни таъминлашни буюрди, деб хабар беради russian.news.cn.
Покистоннинг шимоли-ғарбидаги Хайбер-Пахтунхва вилоятининг Куррам туманидаги назорат пунктига қилинган қуролли ҳужум оқибатида олти нафар покистонлик ҳарбий хизматчи ҳалок бўлди.
Камбоджа чегарасида жангларда Таиланд қўшинлари орасида ҳалок бўлганлар сони беш нафарга етди, 68 киши яраланди. Бу ҳақда Таиланд қуруқликдаги кучларининг иккинчи ҳарбий округ маълум қилди.
Таиланд Таълим вазирлиги баёнотига кўра, Таиланд ҳукумати Камбоджа билан вазиятнинг кескинлашиши муносабати билан чегарадош ҳудудлардаги 641 та мактабни вақтинча ёпишни буюрди.
