Бу ҳақда Экология, атроф-муҳитни муҳофаза қилиш ва иқлим ўзгариши вазирлиги хабар берди.
Қайд этилишича, Тошкент вилояти Экология бошқармаси Юқори Чирчиқ туман бўлими инспекторлари томонидан 2003 йилда туғилган фуқаро М.Ж. давлат рақами “01 506 WHА” бўлган автотранспорт воситасида белгиланмаган жойга чиқинди ташлагани аниқланди.
Ҳуқуқбузарга нисбатан МЖтКнинг 91-прим 1-моддаси 1-қисмига асосан маъмурий баённома расмийлаштирилиб, базавий ҳисоблаш миқдорининг 3 баравари — 1 миллион 125 минг сўм миқдорида жарима қўлланилди.
Шунингдек, М.Ж. транспорт воситасида ўзи ташлаган чиқиндиларни Юқори Чирчиқ туман бўлими ҳудудидаги полигонга жойлаштирди.
