Тадбирда Марказий Осиё давлатлари, Озарбайжон, Туркия, Эрон ва Покистон делегациялари ҳамда ИҲТ Котибияти иштирок этяпти.
Йиғилишни Ўзбекистон Республикаси Ташқи ишлар вазирининг биринчи ўринбосари Ф.Сидиқов ва ташкилот Бош котиби Ҳ.Нозирий очиб берди. ИҲТ Бош котиби мазкур учрашувни ўтказиш бўйича олиб борилган ташкилий ва мазмунли ишларни юқори баҳолаб, минтақавий ҳамкорлик янада мустаҳкамланишига ишонч билдирди.
Бугун кун давомида тадбир иштирокчилари 24 январда Тошкентда бўлиб ўтадиган ИҲТ Ташқи ишлар вазирлари кенгашининг 26-йиғилишини амалий даражада муваффақиятли ўтказиш учун зарур тайёргарлик ишларини олиб боради, деб хабар беради Ташқи ишлар вазирлиги матбуот хизмати.
