Маскнинг фикрича, беморнинг миясида 400 та электрод ишлайди.
Аввалроқ Neuralink имплантати ўрнатилган биринчи одам Нолан Арбо РИА Новостига электродларнинг аввалги бир қисми миядан узоқлашганига қарамай, унинг миясида қурилма самарадорлиги фақат ошиб бораётганини маълум қилган эди. Арбонинг сўзларига кўра, агар тажрибанинг кейинги иштирокчиси электрод ипларининг 100 фоиз ёки 90 фоизини ишга тушира олса, “у ҳозир мен учун имконсиз бўлган ишни қила олади ва бу иш келажак учун катта умид беради”.
2024 йил январь ойида тадбиркор ва Neuralink асосчиси Илон Маск дунёдаги биринчи одамга мия импланти ўрнатилганлигини эълон қилди. У 29 ёшли Ноланд Арбо бўлиб, бахтсиз ҳодиса оқибатида умуртқа поғонаси шикастланиб, у бутунлай фалаж бўлиб қолган. Neuralink технологиясидан фойдаланган ҳолда, Арбо миясига кичик қурилма ўрнатилди, у тизимдаги буйруқларни қайта ишлаш имконини беради, ундан электродли микросимлар беморнинг миясидан сигналларни қабул қилади. Симсиз тармоқ орқали мия буйруқлари компьютердаги дастурга узатилади ва шу тариқа имплант эгаси уни “фикр кучи” ёрдамида бошқара олади. Компания маълумотларига кўра, технология оёқ-қўлларини ишлата олмай қолган одамларга ёрдам беришга мўлжалланган, деб хабар беради ria.ru.
