Унинг сўзларига кўра, бу ҳолда у Москвага босим ўтказиш учун чоралар кўриши шарт эмас, бу унга “ёқимсиз” бўлади.
Киев билан ўт очишни тўхтатиш бўйича келишувга эришгач, америкалик музокарачилар маслаҳатлашиш учун аллақачон Москвага жўнаб кетишган. 12 март, чоршанба куни Вашингтонда Ирландия Бош вазири Михол Мартин билан учрашув чоғида АҚШ Президенти Дональд Трамп журналистларга “улар ҳозирни ўзида” у ерга йўл олишаётганини маълум қилди.
Трамп Россия Президенти Владимир Путин Украинада ўт очишни тўхтатишга рози бўлишига “умид қилишини” айтди. Журналистлар Москвага нисбатан мумкин бўлган босим чоралари ҳақида сўраганида, Америка етакчиси шундай жавоб берди: “Қилиш керак бўлган ишлар борки ва улар ёқимсиз бўлади. Молиявий жиҳатдан мен Россия учун жуда ёмон бўладиган ишни қилишим мумкин. Мен буни қилишни хоҳламайман, чунки мен тинчликни хоҳлайман”.
Ўз навбатида, АҚШ Вице-президенти Жей Ди Вэнс АҚШ ва Россия вакиллари ўртасида фаол музокаралар олиб борилаётганини таъкидлади. У Украинадаги урушни тугатиш бўйича дипломатик саъй-ҳаракатларнинг илк натижаларини ижобий баҳолади, деб хабар беради dw.com.
“Биз ҳозир жуда яхши ҳолатдамиз деб ўйлаймиз: украиналиклар ўт очишни тўхтатишга рози бўлишди, энди биз Россияни ҳам бунга рози бўлишга кўндира оламизми, кўрамиз”, деди у.
