Бразилия Президенти Ғазо секторида содир бўлаётган воқеаларни геноцид деб атаган ва уни Холокост билан қиёслаганидан сўнг, Исроил ташқи ишлар вазири Исраэль Кац Бразилия Президенти Луис Инасиу Лула да Силвани персона нон грата деб эълон қилди.

Аввалроқ Бразилия Президенти Ғазо секторида содир бўлаётган воқеаларни геноцид деб таъкидлаб, буни Адольф Гитлернинг яҳудийларга нисбатан қилган ваҳшийлиги билан қиёслаган эди. Бунга жавобан Исроил Бош вазири Бинямин Нетаньяху Лула да Силва яҳудий халқи ва Исроилнинг ўзини ҳимоя қилиш ҳуқуқига зарар етказмоқчи бўлганини айтди, деб хабар беради lenta.ru.