Таъкидлаш жоиз, Пойтахтимизда 24 025 нафар йигит-қизлар «Ёшлар дафтари»га киритилган. Жорий йилнинг ўтган даврида ёшларнинг бандлигини таъминлаш, уларни ижтимоий қўллаб-қувватлаш ва бўш вақтларини мазмунли ташкил этиш мақсадида «Ёшлар дафтари» жамғармаси маблағлари ҳисобидан 27 миллиард 897 миллион сўм йўналтирилди.
Хусусан, 151 нафар йигит-қизларнинг олий таълим муассасаларидаги тўлов-контракти учун 842 миллион сўм, 1 646 нафар ёшга бир марталик моддий ёрдам учун 1 миллиард 645 миллион сўм, 565 нафар йигит-қизнинг тадбиркорлик, касб-ҳунар ва ҳайдовчиликка ўқиши учун 403 миллион сўм, 714 нафар ёшларнинг ўзини-ўзи банд қилиши, тадбиркорликни бошлаши учун 5 миллиард 648 миллион сўм, 52 нафарига даволаниш билан боғлиқ ва психологик ёрдам учун 374 миллион сўм маблағлар ажратилди. Шунингдек, 439 нафар ёшга истеъдодларини қўллаб-қувватлаш ва сафарбарлик чақируви учун 2 миллиард 350 миллион сўм, 16 миллиард 635 миллион сўм маблағ эса Беш муҳим ташаббус тадбирларини молиялаштиришга йўналтирилди. Натижада 20 916 нафар йигит-қизлар «Ёшлар дафтари»дан чиқарилиб, уларнинг бандлиги ва ижтимоий фаоллигини таъминлашга эришилди.
Ҳозирги кунда «Ёшлар дафтари» жамғармасида 16 миллиард сўмдан зиёд маблағлар бўлиб, улар ёшларнинг тадбиркорлик лойиҳаларини қўллаб-қувватлаш, касб-ҳунарга ўқитиш ва бандлигини таъминлаш учун йўналтирилиши кўзда тутилган, деб хабар беради Тошкент шаҳар ҳокимлиги матбуот хизмати.