2022 йил жаҳон захиралари қийматининг камайиши камида 2000-йилдан бери рекорд кўрсаткич бўлди — ўн ой ичида улар 11,3 фоизга қисқариб, 12,47 триллион долларни ташкил қилди. Бу 2020 йил май ойидан буён мамлакатлар захираларининг минимал ҳажмига айланди.
Аввалги антирекорд 2015 йилда Евроҳудудда инқироз авж олган пайтда қайд этилган бўлса, ўша йили мамлакатларнинг “хавфсизлик ёстиғи” атиги 711,1 миллиард долларга ёки 6,1 фоизга қисқарган.
Марказий банклар захиралари йил бошиданоқ қисқаришни бошлади — январ ойининг ўзида 164,9 миллиард долларга тушиб кетди.
Кўрсаткичнинг ойлик рекорд даражадаги пасайиши сентябр ойида - 335,3 миллиард долларни ташкил этган бўлса, октябрда пасайиш кескин секинлашди - бир ой давомида захиралар атиги 25,4 миллиард долларга камайган.
