Aлишер Навоий номидаги Ўзбекистон давлат академик катта театрида давлат буюртмаси асосида саҳналаштирилган “Жалолиддин Мангуберди” миллий балети тақдимоти бўлиб ўтди.
Спектакл Ўзбекистон Республикаси Маданият ва туризм вазири ўринбосари Б.Aхмедов ва бир гуруҳ ҳайъат аъзолари томонидан муҳокама этилди ва ижобий баҳоланди.
Мазкур спектакл туркиялик машҳур балетмейстер Мехмет Балкан томонидан саҳналаштирилган бўлиб, оркестрга Россия Федерациясидан театрга бош дирижёр сифатида таклиф этилган Денис Власенко дирижёрлик қилади.
Мазкур саҳна асарининг премьераси жорий йилнинг 4-5-февраль кунлари бўлиб ўтади.
